उच्च अंकले घट्यो नेप्से,कारोबार रकम २ अर्ब २ करोडमा सिमित

काठमाडौं । शेयर बजार उच्च अंकले घटेको छ । साताको पहिलो शेयर बजार मापक सूचक (नेप्से) १९.६४ अंकले घटेर १९६४.९१ विन्दुमा पुगेको हो ।

नेपाल स्टक एक्सचेन्जका अनुसार आइतवार २७८ कम्पनीको २ अर्ब २ करोड ८४ लाख ६५ हजार ६१० रुपैयाँ बराबरको शेयर किनबेच भएका छन् ।

आज कारोबारमा आएका १३ वटा उपसमूहको परिसूचक ओरालो लागेको छ ।

एक कम्पनीको शेयरमूल्यमा उच्च वृद्धि भएको छ । शुभम् पावर लिमिटेडको शेयरमूल्य १० प्रतिशतले बढेको छ ।

आज मोलुङ हाइड्रोपावर लिमिटेडका लगानीकर्ताहरुले सर्वाधिक गुमाएका छन् । यसको शेयरमूल्य आज ९.२१ प्रतिशतले घटेको छ । नेप्सेका अनुसार कारोबारको आधारमा आज सबैभन्दा बढी एनआइसी एशिया बैंकको भएको छ ।

यस कम्पनीको आज २७ करोड ५४ लाख रुपैयाँ भन्दा बढीको कारोबार भएको छ । लगातार नेप्से परिसूचक लगातार घट्न थालेपछि लगानीकर्तामा निराशा छाएको छ। लगानीकर्ता अन्योलमा देखिएका छन् । साना लगानीकर्ता बजारमा त्यति खुल्ल सकेका छैनन्।

बजार निरन्तर घट्न थालेपछि लगानी नै डुब्ने चिन्तामा उनीहरु रहेको देखिन्छ। लगानीकर्ताले बजारप्रति विश्वस्त हुने आधार नभेट्दा बजार ओरालो गतिमा नै देखिएको छ।