नयाँ संसद् भवनको निर्माण प्रगतिप्रति सभामुख असन्तुष्ट

काठमाडौं । सभामुख देवराज घिमिरेले निर्माणाधीन संसदको भवन निर्माणलाइ थप तीव्रता दिनुपर्ने आवश्यकता औंल्याएका छन् । 

निर्माणाधीन संसदको भवनको प्रगतिबारे विशेष भवन निर्माण आयोजनाबाट जानकारी लिने क्रममा उनले भवन निर्माणको प्रगति प्रती असन्तुष्टि जनाएका हुन् ।

उनले भने,‘निर्माणाधीन संसद् भवनको प्रगतिबारे विशेष भवन निर्माण आयोजनाबाट जानकारी लिएको छु । भौतिक प्रगति ६६ प्रतिशत र वित्तीय प्रगति ६२ दशमलव १० प्रतिशत रहेको अवस्था छ । हिउँदे अधिवेशन गर्ने गरी काम भइरहे पनि अझै थप तीव्रता दिनुपर्ने सुझाव दिएको छु । भवनको प्रगतिबारे नियमित जानकारी लिने क्रम निरन्तर रहनेछ ।’

छलफलमा शहरी मन्त्रालयका सचिवलगायतका सरोकारवाला सरकारी अधिकारीहरु सहभागी थिए ।