चप्पल उद्योगमा आगलागी,लाखौंको क्षति

बाँके । जानकी गाउँपालिका–३ बाँकेको  इन्द्रपुरमा रहेको चप्पल उद्योगमा आगलागी भएको छ । 

जय सियाराम मेनु फैक्चरिङ इन्ड्रस्टिज प्रालीमा मंगलबार राति करिब १२ बजेतिर आगलागी हुँदा त्यहाँ कार्यरत कामदार दिलीपकुमार चमार गम्भीर घाइते भएका छन् । उनको हात र खुट्टा पोलिएको छ ।

मध्यरातमा लागेको आगो बाँके र बर्दियाका ६ वटा दमकल, प्रहरी, सशस्त्र प्रहरी र नेपाली सेनाको टीमले विहान आठ बजे नियन्त्रणमा लिएका थिए ।

आगलागीबाट उद्योगको कच्चा पदार्थ र उत्पादित सबैजसो सामग्री नष्ट भएको छ ।