एकैदिन ८ हजार रुपैयाँले बढ्यो सुनको भाउ, मूल्य कति ?

काठमाडौं । नेपाली बजारमा आज बिहीबार सुन र चाँदी दुवैको मूल्य बढेको छ ।

नेपाल सुनचाँदी व्यवसायी महासंघका अनुसार आज सुनको मूल्य प्रतितोला ८ हजार रुपैयाँले बढेको छ भने चाँदीको मूल्यमा पनि ९५ रुपैयाँको वृद्धि भएको छ ।

महासंघले आज बिहीबारका लागि सुनको मूल्य प्रतितोला २ लाख ९६ हजार रुपैयाँ निर्धारण गरेको छ ।

यो मूल्य अघिल्लो दिन बुधबारको तुलनामा ८ हजार रुपैयाँले बढी हो । बुधबार नेपाली बजारमा सुन प्रतितोला २ लाख ८८ हजार रुपैयाँमा कारोबार भएको थियो ।

आज चाँदीको मूल्य प्रतितोला ४ हजार ५७० रुपैयाँ तोकिएको छ । यो बुधबारको तुलनामा तोलामा ९५ रुपैयाँको वृद्धि हो ।

बुधबार चाँदी प्रतितोला ४ हजार ४७५ रुपैयाँमा कारोबार भएको थियो ।