ओठमाथि जुँगाको रेखा
जो कोहीले देखी नसक्दै
रहर छोड ,अभावलाई टाल्न
परदेश छिरेको म
मेरी प्रिया मलाई
पढाइ सोध्छिन् ।
बा आमाको माया
सैंसंगीको माया पढेकी
फूलमा हुर्केर पातमा टेकेकी उनी
म साहुको दबाब
जिन्दगीको अभावमा पढेको
झुपडीमा हुर्केर
खाडी टेकेको
प्रिया मलाई पढाई सोध्छिन् ।
यी आँखाले सेतो पाना
कालो मसी नदेखिकन
यो पिठ्युँले दुई फित्ताको
झोला नबोकिकन
जिन्दगीको सूत्र ,किताबको भन्दा
कहालीलाग्दो जीवनी कथा पढिसकेको
झोलाको सट्टा काँधमा जिम्मेवारी
बोकेको म
प्रिया मलाई पढाई सोध्छिन्
उनी ठूलाठूला किताब पढ्छिन्
त्यही पढेर
भविष्य सजाउने सपना बोक्छिन्
र पो मलाई पढाई सोध्छिन्
किन कि उनलाई थाहा छैन
किताब नपढिकन पनि
बोकेका सपना
सजाइएको भविष्य
त्यसैले मेरि प्रिया मलाई
पढाई सोध्छिन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
