काठमाडौं । बंगलादेशको सिपाही मुस्तफा कमल रंगशालामा भएको साफ यू-२० महिला च्याम्पियनसिपमा नेपाल पहिलो खेलमै पराजित भएको छ ।
नेपाल घरेलु टोली बंगलादेशसँग ३-१ ले पराजित भएको हो । नेपालकी मनमाया दमाईले एक गोल फर्काइन् । खेलको दोस्रो मिनेटमा नै खातुनको गोलबाट बंगलादेशले अग्रता बनाएको थियो । १३ औँ मिनेटमा सामसुनहरले गोल गर्दै बंगलादेशको अग्रता दोब्बर पारिन् ।
२४ औँ मिनेटमा मनमायाले गोल गर्दै अग्रतालाई २-१ मा झारेकी थिइन् । तर इन्जुरी समयमा रिपाले गोल गरेपछि बंगलादेशले ३-१ को जित पक्का गर्यो ।
प्रतियोगितामा नेपाल, भारत, भुटान र बंगलादेश गरी चार टिमको सहभागिता छ । राउन्ड रोबिन पद्धतिमा चलिरहेको प्रतियोगिताको शीर्ष स्थानमा रहने टिमले उपाधि जित्नेछ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
