काठमाडौं । प्रमुख प्रतिपक्षी नेपाली कांग्रेसले कोरोनाका कारण अर्थतन्त्रमा परेको असरबारे अध्ययन गर्ने भएकाे छ ।
त्यसका लागि कांग्रेसले अर्थतन्त्र केन्द्रित विशेष समिति गठन गरेकाे छ । १७ वैशाखमा बसेकाे पार्टी केन्द्रीय समिति बैठकको निर्णय अनुसार सभापति शेरबहादुर देउवाले नेता डा. रामशरण महतकाे संयाेजकत्वमा समिति बनाएका हुन् ।
काेराेनाले अर्थतन्त्रमा पारेकाे असरबारे गहन अध्ययन गर्न काग्रेसले १४ सदस्सीय समिति गठन गरिएको मुख्यसचिव कृष्ण प्रसाद पौडेलले जानकारी दिए ।
पाैडेलका अनुसार देशका विविध क्षेत्रमा कोरोनाले पारेको असर अध्ययन, विश्लेषण तथा देशका लागि आवश्यक दृष्टिकोण निर्माण गर्न विभिन्न समिति बनाउने निर्णय अनुसार सो समिति बनाइएको हो ।
समितिमा यसअघि अर्थ मन्त्रालयमा मन्त्री र राज्यमन्त्रीको जिम्मेवारी सम्हालेका, संसदीय दलमा अर्थ मन्त्रालयको संयोजन गरेका तथा राष्ट्रिय योजना आयोगमा उपाध्यक्ष रहेर विगतमा नेतृत्व गरिसकेका नेतालाई राखिएको छ ।
सो समितिलाई तत्कालीन रुपमा अत्यावश्यक राहतबारे सुझाव, अल्पकालीन रुपमा आगामी बजेटको प्राथमिकताबारे धारणा र दीर्घकालीन रूपमा कोरोनापछिको अर्थतन्त्रबारे दुरगामी दृष्टिकोण निर्माण गर्ने जिम्मा दिइएको छ ।
यस्ताे छ समिति:
१, संयोजक — डा. रामशरण महत
२, सदस्य — श्री महेश आचार्य
३, सदस्य — श्री ज्ञानेन्द्रबहादुर कार्की
४, सदस्य — डा. नारायण खड्का
५, सदस्य — डा. मिनेन्द्र रिजाल
६,, सदस्य — श्री चिनकाजी श्रेष्ठ
७, सदस्य — श्री दिपकुमार उपाध्याय
८, सदस्य — श्री भरत शाह
९, सदस्य — श्री उदय शमशेर राणा
१०, सदस्य — डा. पृथ्वीराज लिगल
११, सदस्य — डा. शंकर शर्मा
१२, सदस्य — डा. जगदीशचन्द्र पोख्रेल
१३, सदस्य — डा. गोविन्द पोख्रेल
१४, सदस्य — डा. स्वर्णिम वाग्ले
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
