काठमाडौं । विश्वभर कोरोना भाइरसको संक्रमणबाट मर्नेको संख्या ३ हजार १ सय २५ पुगेको छ। कोरोना भाइरसको संक्रमित संख्या चीनमा घट्दै गएको छ भने दक्षिण कोरिया, इरान, इटाली, अमेरिकामा लगायतका देशमा बढ्दै गएको छ।
मंगलबार बिहानसम्म चीनमा कोरोना भाइरसको कारण ज्यान गुमाउनेको संख्या २ हजार ९ सय ४४ पुगेको छ। यस्तै, दक्षिण कोरियामा ३४, इटालीमा ५२, इरानमा ६६, जापानमा ६, फ्रान्समा ३, अमेरिकामा ६, हङकङमा २ र थाइल्याण्ड, ताइवान, अष्ट्रेलिया, सान मारिनो, र फिलिपिन्समा एक(एक जनाको मृत्यु कोरोना भाइरसको संक्रमणका कारण भएको छ।
सोमबारमात्र ६ सय २ जना मा कोरोना भाइरसका संक्रमण देखिएको छ। विश्वभरि हालसम्म ९० हजार ९ सय २० जनामा कोरोना भाइरसको संक्रमण देखिएको छ जसमध्ये ३ हजार १ सय २५ जनाको मृत्यु भएको हो। हालसम्म संक्रमितमध्ये ४८ हजार १ सय २९ जना उपचार पश्चात स्वास्थ्य लाभ गरेका छन्।
हालः विश्वभर ३९ हजार ६ सय ६६ जना कोरोना भाइरसका संक्रमित विश्वका विभिन्न अस्पतालमा उपचारत छन्। यीमध्ये ३२ हजार ५ सय ७२ जनाको अवस्था सामन्य छ भने ७ हजार ९४ जनाको अवस्था गम्भीर रहेको छ। हालसम्म विश्का ७६ देश तथा भूभागमा कोरोना भाइरसका बिरामी भेटिएका छन्।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
