काठमाडौं । काठमाडौंका ५ क्षेत्रमा कर्फ्यु आदेश जारी भएको छ । तीनकुने क्षेत्रमा राजावादीको आन्दोलन उग्र भएपछि जिल्ला प्रशासन कार्यालय, काठमाडौंले राति १० बजेसम्मका लागि कर्फ्यु आदेश जारी गरेको हो ।
प्रशासनले गौशला, बानेश्वर, जडीबुटी, बालकुमारी क्षेत्रभित्र चारकिल्ला तोकेको छ ।
गौशलादेखि एयरपोर्ट हुँदै, गौरीधार, तीनकुने हुँदै कोटेश्वरसम्म, कोटेश्वरदेखि जडीबुटी पुलसम्म, कोटेश्व्रदेखि बालकुमारी पुलसम्म, बानेश्वरदेखि शंखमूल पुलसम्म र गौशलादेखि पुरानो बानेश्वर हुँदै नयाँबानेश्वरसम्म कर्फ्यु लगाइएको प्रशासनले जनाएको छ ।
ती क्षेत्रभित्र कुनै पनि प्रकारको भेला, जुलुस, प्रदर्शन, सभा, बैठक, घेरा उगर्न नपाउने गरी कर्फ्यु आदेश जारी गरिएको हो ।
राजावादी अराजक बन्दै तीनकुने, कोटेश्वर, सिनामंगल लगायत क्षेत्रमा तोडफोड गरेका छन् । तीनकुनेमा एउटा घरमा आगो समेत लगाइदिएका थिए ।
तीनकुने क्षेत्रको अवस्था तनावग्रस्त बनेपछि स्थिति नियन्त्रणलिन प्रशासनले कर्फ्यु लगाएको हो ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
