काठमाडौं । नेपाल विद्युत प्राधिकरणका कार्यकारी निर्देशक कुलमान घिसिङले मुलुकमा लोडसेडिङ हुँदा खुसी हुने जमातले नै अहिले लोडसेडिङ भइरहेको छ भन्ने हल्ला फैलाएको बताएका छन् ।
शुक्रबार नेपाल पूर्वाधार पत्रकार समाजको साधारणसभा तथा अधिवेशनमा बोल्दै उनले यस्तो बताएका हुन् ।
उनले अहिले लोडसेडिङ नभएर आयोजनाहरुमा आएको प्राविधिक कारणले केही घण्टा जलविद्युत वितरणमा समस्या भएको बताए ।
‘लोडसेडिङ नभएको समयमा लोडसेडिङ छ भन्नेहरुले अहिले प्राविधिक कारण २/४ दिन समस्या आउँदा लोडसेडिङ भयो भनेर हल्ला गरेका छन्,’ उनले भने ।
माथिल्लो तामाकोशी र कालीगण्डकी बन्ने बित्तिकै अहिलेको प्राविधिक समस्या समाधान हुने उनको दाबी छ । उनले व्यस्त समयमा केही मात्रै उद्योगको लाइन काटेर नागरिकलाई सहज बनाएको बताए ।
उनले प्राधिकरणको घाटामा फाइदा लिनेहरु धेरै रहेको बताए । उनले जनतालाई लोडसेडिङमा राखेर उद्योगले प्रयोग गरेको विद्युतको रकम व्यवसायीहरुले तिर्नैपर्ने र त्यसको विकल्प नभएको उल्लेख गरे ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
