काठमाडौं । भैरहवास्थित गौतमबुद्ध अन्तर्राष्ट्रिय विमानस्थलमा पहिलो पटक चिनियाँ जहाज अवतरण गरेको छ ।
शुक्रबार गौतमबुद्ध विमानस्थलमा एयर चाइनाले चार्टर्ड उडान गरेको हो ।
गौतमबुद्ध विमानस्थल कार्यालयका अनुसार एयर चाइनाको जहाज शुक्रबार मध्याह्न १२:३० बजे अवतरण गरेको थियाे ।
उक्त चार्टर्ड विमानमा २१७ यात्रु आएका थिए । उक्त जहाज चीनको सेन्जेनबाट आएको हो ।
हाल भैरहवा विमानस्थलमा नेपाल एयरलाइन्स, जजिरा, फ्लाइ दुबई र थाइ एयर एसियाले नियमित अन्तर्राष्ट्रिय उडान गरिरहेका छन्। कतार एयरवेजले यसअघि उडान गरे पनि हाल स्थगित गरेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
