काठमाडौं । सेयर बजारमा दोहोरो अंकको गिरावट भएको छ । बजार खुलेदेखि लगातार ओरालो लागेको नेप्से अन्तयमा ३१ अंकले घटेर बन्द भएको हो । समग्रमा यस साता नेप्से ६९ अंकले घटेको छ ।
बिहीबार नेप्से परिसूचक ३१.३१ अंकले घटेर २६८०.४४ बिन्दुमा आइपुगेको छ । ३१४ कम्पनीको १ करोड ८४ लाख ७४ हजार २४ कित्ता सेयर किनबेच भएको छ ।
सूचकमा गिरावट आए पनि कारोबार रकममा भने सुधार आएको छ । अघिल्लो दिनको तुलनामा कारोबार रकम १ अर्ब १६ करोड रुपैयाँले बढे ८ अर्ब २५करोड रुपैयाँ पुगेको छ ।
कारोबारमा आएका १३ वटै समूहको परिसूचक घटेको छ । फाइनान्स समूहको परिसूचक सर्वाधिक २.८६ प्रतिशतले घटेको छ ।
आज नेपाल फाइनान्सको सर्वाधिक २५ करोड २४ लाख रुपैयाँको सेयर किनबेच भएको छ । त्यस्तै, ङादी ग्रुप पावरको २३ करोड ३३ लाख रुपैयाँ बढीको कारोबार भएको छ ।
आज कारोबारमा आएका मध्ये ४३ कम्पनीको मात्र सेयर मूल्य बढेको छ भने १९७ कम्पनीको मूल्य घटेको छ ।
घट्दो बजारमा पनि आज २ कम्पनीको सेयर मूल्यमा भने पोजेटिभ सर्किट लागेको छ । सामुदायिक लघुवित्त र थ्रीस्टार हाइड्रोपावरका सेयरधनीले ठ्याक्कै १० प्रतिशत कमाएका छन् ।
जानकी फाइनान्सका सेयरधनीले भने सर्वाधिक १० प्रतिशत गुमाएका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
