काठमाडौं । सेयर बजारमा लगातार दोहोरो अंकको वृद्धि भएको छ । आइतबार एकैदिन ६२ अंकले बढेको नेप्से आज २२ अंकले बढेको हो । दुई दिनमै नेप्से ८४ अंकले बढेको छ ।
सोमबार नेप्से परिसूचक २२.१४ अंकले बढेर २७६० बिन्दुमा पुगेको छ । आज ३०२ कम्पनीको २ करोड ४५ लाख ५७ हजार १५३ कित्ता सेयर किनबेच भएको छ ।
आज सूचकसँगै कारोबार रकममा पनि उछाल आएको छ । अघिल्लो दिनको तुलनामा करोबार रकम डेढ अर्बले बढेर ११ अर्ब ३१ करोड रुपैयाँ पुगेको छ । यो पछिल्लो २ महिना यताकै उच्च हो ।
आज कारोबारमा आएका १३ वटा समूह मध्ये ८ वटाको परिसूचक बढेको छ भने ५ वटाको घटेको छ । लघुवित्त समूहको परिसूचक सर्वाधिक ३.२ प्रतिशतले बढेको छ घने फाइनान्स ०.३ प्रतिशतले घटेको छ ।
आज साहस ऊर्जाको सर्वाधिक ३८ करोड १७ लाख रुपैयाँको सेयर किनबेच भएको छ । त्यस्तै, हिमालयन रि इन्स्योरेन्सको २६ करोड १५ लाख रुपैयाँ बढीको कारोबार भएको छ ।
आज कारोबारमा आएका मध्ये १४३ कम्पनीको सेयर मूल्य बढेको छ भने ९२ कम्पनीको मूल्य घटेको छ ।
दोहोरो अंकले बढेको बजारमा आज आधादर्जन कम्पनीको सेयर मूल्यमा पोजेटिभ सर्किट लागेको छ । सपोर्ट माइक्रोफाइनान्स, सामुदायिक लघुवित्त, गुराँस लघुवित्त, मानुषी लघुवित्त, श्रृजनशील लघुवित्तको सेयर मूल्य ठ्याक्कै १० प्रतिशतले बढेको छ ।
त्यस्तै, माछापुच्छ्रे बैंक, नारायणी विकास बैंक र कुथेली बुखरी स्मल हाइड्रोपावरका सेयरधनीले पनि १० प्रतिशत कमाएका छन् ।
आज इस्टर्न हाइड्रोपावरका सेयरधनीले भने ठ्याक्कै १० प्रतिशत गुमाएका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
