आजको पञ्चाङ्ग
काठमाडौं । १८ भदाै २०८१ | मंगलवार ३-सेप्टेम्बर २०२४। भाद्र कृष्णपक्ष, औंसी तिथि प्रातः ६ः२० बजेपछि भाद्र शुक्ल प्रतिपदा। पूर्वफाल्गुनी नक्षत्र। चन्द्रराशि सिंह।
आजको राशिफल
मेष : शेयर कारोबारमा फाइदा हुनेछ। परिवारमा मेलमिलाप हुनेछ। परिवारका सादस्यसँगै बसेर मिठो खाने अवसर मिल्नेछ। लगानी भए प्राविधिक क्षेत्रमा नाफा हुनेछ। बाहिरी रमझमले तपाईंको मन आकर्षित हुनेछ।
वृष : तपाईंको बोलीको चर्चा हुनेछ। समाज, समूह र राजनीतिक संगठनमा हुने वैचारिक चर्चाले मन हलुका हुनेछ। वैदेशिक रोजगारीमा भन्दा स्वदेशको श्रमबाट नाफा हुनेछ। लगानीका अवसर आए हिम्मत गर्नुपर्ने देखिन्छ। शिक्षा र स्वास्थ्यमा लाभ मिल्नेछ।
मिथुन : महत्त्वपूर्ण निर्णयका लागि अर्को व्यक्तिलाई कुर्नुपर्ने भएकाले अप्ठेरोमा दिन बित्नेछ। सञ्चित धन खर्च हुनेछ। तपाईंको शैली देखेर परिवारमा खटपटी बढ्नेछ। अप्ठेरो परिस्थितिमा दाजुभाइ र बन्धुको सहयोग प्राप्त हुनेछ।
कर्कट : न्याय पूर्वक आर्जन गरेको इज्जत र प्रतिष्ठानमा धावा बोल्नेहरु सक्रिय रहेका छन्। धन कमाउने स्रोत पत्ता लाग्ने दिन छ। न्यायको क्षेत्रमा तपाईंको झुकाब रहनेछ। परिवारसँगको प्रेम सम्बन्ध सुमधुर बन्नेछ।
सिंह : आज धेरैले तपाईंको आशा र भरोसा गरेका छन्। तपाईंले बोलिदिनुभयो भने मात्र सहयोग र शिक्षा दुवै प्राप्त हुनेछ। धैर्य गरेमा आँटेका काम बन्नेछन्। मन बढी चञ्चल रहेकाले निर्णय क्षमता कमजोर हुनसक्छ। परिवारसँगको विवादमा आफू हारेर परिवारका सदस्यलाई जितको अनुभूति दिलाउनुपर्ने देखिन्छ।
कन्या : नसोचेको खर्च बढ्नेछ। आफ्नै होला भनेका मान्छेबाट धोका हुनेछ। संकटमा तपाईंको पक्षमा न्याय मिल्नेछ। परिवारमा मेलमिलाप हुनेछ। प्रेम सम्बन्ध सुमधुर बन्ने योग छ।
तुला : लगानी गर्दा विवेक प्रयोग गरेमा तपाईंको उचाई बढ्नेछ। आम्दानीका स्रोत पत्ता लाग्नेछन्। परोपकारी संघ र संस्थाले सम्मान गर्नेछन्। शुभ ग्रहको बहुमत भएकाले लगानीको क्षेत्रमा हिम्मत गर्नु राम्रो हुनेछ। परिवारको साथ र सहयोग मिल्नेछ।
वृश्चिक : साना कुराले झन्झट आइपर्ने योग छ। दैनिक काममा भन्दा ठुलो उद्योग र व्यापारमा अगाडि बढ्नु राम्रो हुनेछ। राज्यका हरेक ठाउँबाट सेवाको अवसर पत्ता लाग्नेछन्। परिवारले रचनात्मक साथ र सहयोग गर्ने दिन छ।
धनु : मन अशान्त हुँदा हरेक ठाउँको व्यवस्थापन असहज बन्नेछ। शिक्षा नै धन हो भनेर बुझ्ने अवसर मिल्नेछ। अन्तरक्रियामा भाग लिने अवसरले मन शान्त हुनेछ। परिवारको सकारात्मक साथ र सहयोग मिल्नेछ।
मकर : आज गर्ने कार्य योजना सहज छन्। सांगठानिक एकताले मनमा उत्साह थपिनेछ। बन्धुले अप्ठेरो परिस्थितिमा साथ दिनेछन्। अनुत्पादक क्षेत्रमा लगानी गर्नाले मन दुःखी हुनेछ। परिवारमा भने सम्बन्ध सुमधुर र सहज बन्नेछ।
कुम्भ : धेरै रिस उठ्ने देखिन्छ। सानो कुराले मन लामो समयसम्म अशान्त बन्नेछ। अध्यात्मको अनुशरण गरेमा दिन शान्त बन्नेछ। लगानीको क्षेत्रमा मन शान्त हुनेछ। परिवारको साथ र सहयोग मिल्नेछ।
मीन : स्वास्थ्यमा देखिने समस्याले सताउने छ। खानपानमा ख्याल गर्नु राम्रो हुनेछ। आफ्ना दैनिकी शान्त र सहज छछन्। लगानीका क्षेत्रमध्ये पविधिक र बौद्धिक क्षेत्रले उत्साहित बनाउने छ। बौद्धिक व्यक्तिसँगको परामर्शले फाइदा हुनेछ।
राशिफल जे जस्तो भएपनि तपाईंको दिन शुभ रहोस् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
