काठमाडौं । सेयर बजारमा उच्च अंकको गिरावट आएको छ । गत साता २६ अंकले घटेको नेप्से आज एकैदिन झण्डै ८० अंकले घटेको हो ।
सूचकमा गिरावट आए पनि कारोबार रकममा भने सुधार आएको छ । अघिल्लो दिनको तुलनामा कारोबार रकम ५८ करोड रुपैयाँले बढेर १९ अर्ब ७४ करोड रुपैयाँ पुगेको छ ।
आइतबार नेप्से परिसूचक ७९.८८ अंकले घटेर २८९४.५७ बिन्दुमा आइपुगेको छ । आज ३३३ कम्पनीको ४ करोड २६ लाख ८६ हजार ६४० कित्ता सेयर किनबेच भएको छ ।
कारोबारमा आएका १३ समूहमध्ये लघुवित्त बाहेक अरु सबै समूहको परिसूचक घटेको छ । आज लगानी समूहको परिसूचक सबैभन्दा धेरै ३.८३ प्रतिशतले घटेको छ । त्यस्तै, बैंकिङ, हाइड्रोपावर, फाइनान्स र अन्य समूहको परिसूच्क पनि ३ प्रतिशतले घटेको छ ।
आज अपि पावरको ८४ करोड ६८ लाख रुपैयाँको २२ लाख ७८ हजार ७८७ कित्ता सेयर किनबेच भएको हो । त्यस्तै, हिमालयन रि इन्स्योरेन्सको ७३ करोड ४३ लाख रुपैयाँको सेयर कारोबार भएको छ।
आज कारोबारमा आएका कम्पनीमध्ये ५९ कम्पनीको मूल्य बढेको छ भने १८५ कम्पनीको घटेको छ ।
घट्दो बजारमा पनि आज ३ कम्पनीको सेयर मूल्यमा पोजेटिभ सर्किट लागेको छ । वीन नेपाल लघुवित्त, उपकार लघुवित्त र आत्मनिर्भर लघुवित्तको सेयर मूल्य ठ्याक्कै १० प्रतिशतले घटेको छ ।
आज मन्दाकिनी हाइड्रोपावरका सेयरधनीले भने सर्वाधिक ९.९१ प्रतिशत गुमाएका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
