काठमाडौँ । पशुपतिनाथ कोटीहोमस्थलमा शुक्रबार राति भएकाे घटनाकाे छानबिन गर्न स्थानीय प्रशासनले सात सदस्यीय छानबिन समिति गठन गरेकाे छ ।
जिल्ला प्रशासन कार्यालय काठमाडाैंले सहायक प्रमुख जिल्ला अधिकारी माधवप्रसाद ढुंगानाको संयोजकत्वमा सात सदस्यीय समिति गठन गरेकाे हाे ।
समितिमा जिल्ला प्रहरी परिसर काठमाडौंका डीएसपी गंगा पौडेल, सशस्त्र प्रहरी बलका डीएसपी प्रमोद राय, अधिवक्ता सचितानन्द काफ्ले, नेपाल पत्रकार महांघका सचिव गोविन्द चौलागाईं, मानव सेवा फाउन्डेसनका विष्णुकुमार थापा सदस्य छन् ।
समितिकाे सदस्य सचिवमा जिल्ला प्रशासन कार्यालय काठमाडौंका अनुपम पौडेललाई चयन गरिएकाे छ । उक्त समितिलाई कोटीहोम आयोजनास्थलमा शुक्रबार राति भएको घटनाका बारेमा स्थलगत अध्ययन र छानबिन गरी १५ दिनभित्र प्रतिवेदन पेस गर्न कार्यादेश दिइएकाे छ ।
शुक्रबार राति पशुपतिको कोटिहोम स्थलमा प्रहरी पुगेपछि कथावाचक विजय कृष्णमूर्तिका समर्थकले प्रतिवादन गरेका थिए । कृष्णमूर्तिलले आफूलाई पक्राउ गर्न आएको भन्दै समर्थकलाई प्रतिवाद गर्न आह्वान गरेका थिए ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
