काठमाडौं । सेयर बजारमा सामान्य अंकको वृद्धि भएको छ । मंगलबार एकैदिन १४५ अंकले घटेर बुधबार १०८ अंकले बढेको नेप्से आज ६ अंकले बढेको हो ।
सूचकमा सामान्य वृद्धि भए पनि कारोबार रकममा भने उछाल आएको छ । अघिल्लो दिनको तुलनामा कारोबार रकम २ अर्ब १२ करोड बढेर २० अर्ब ७ करोड रुपैयाँ पुगेको छ ।
बिहीबार नेप्से परिसूचक ६.७० अंकले बढेर २७६६.३८ बिन्दुमा पुगेको छ । आज ३२२ कम्पनीको ५ करोड ९ लाख ४६ हजार ८३२ कित्ता सेयर किनाबेच भएको छ ।
कारोबारमा आएका १३ वटा समूहमध्ये ६ समूहको परिसूचक बढेको छ भने ७ को घटेको छ । आज उत्पादनमूलक समूहको परिसूचक सबैभन्दा धेरै ५.८७ प्रतिशतले बढेको छ भने होटल समूह १.२७ प्रतिशतले घटेको छ । आज सिमेन्ट कम्पनीको सेयरमा उच्च आकर्षण देखिएको छ । सूचीकृत ४ वटै सिमेन्टको मूल्यमा पोजेटिभ सर्किट लागेको छ ।
आज शिवम् सिमेन्टको सर्वाधिक कारोबार भएको छ । यसको १ अर्ब २० करोड रुपैयाँ बढीको १७ लाख ९५ हजार ३१६ कित्ता सेयर किनबेच भएको छ । त्यस्तै, हिमालयन रि इन्स्योरेन्सको पनि १ अर्ब ७ करोड रुपैयाँ बढीको सेयर कारोबार भएको छ ।
कारोबारमा आएका मध्ये ७९ कम्पनीको सेयर मूल्य बढेको छ भने १५९ कम्पनीको मूल्य घटेको छ ।
सामान्य अंकले बढेको बजारमा आज ७ कम्पनीको सेयर मूल्यमा पोजेटिभ सर्किट लागेको छ । कर्णाली डेभलपमेन्ट बैंक, शिवम् सिमेन्ट, घोराही सिमेन्ट, मिड सोलु हाइड्रोपावर, सोनापुर सिमेन्ट र सर्वोत्तम सिमेन्टको सेयर मूल्य ठ्याक्कै १० प्रतिशतले बढेको ।
त्यस्तै, कुथेली बुखरी स्मल हाइड्रोपवार र विशाल बजार कम्पनीका सेयरधनीले पनि करिब १० प्रतिशत कमाएका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
