आजको पञ्चाङ्ग
काठमाडौं । १६ साउन २०८१ | बुधवार ३१-जुलाई २०२४। श्रावण कृष्णपक्ष, एकादशी तिथि, १७ः१२ बजेपछि द्वादशी। राेहिणी नक्षत्र, १२ः३० बजेपछि मृगशिरा। चन्द्रराशि वृष।
आजको राशिफल
मेष : योजना सफल बन्नेछ। विपक्षी साथीको सहयोग मिल्नेछ। समाजिक क्षेत्रमा सम्मान मिल्नेछ। कानुनी समस्या भए न्याय मिल्ने दिन छ। आफ्नो हातले भन्दा आफूले विश्वास गरेको आफन्तबाट लगानी गर्नु राम्रो हुनेछ। परिवारमा भने समस्या हुने देखिन्छ।
वृष : धनस्थानमा चन्द्रमा छन्। यसको सदुपयोग गरे ठुलो सफलता मिल्नेछ। शुद्ध भावले गरेको आम्दानीबाट उन्नति हुनेछ। बौद्धिक व्यक्तिको सुझाव अनुसार अगाडि बढ्नु राम्रो हुनेछ। परिवारमा प्रेम सम्बन्ध सुमधुर बन्नेछ।
मिथुन : स्वास्थ्य समस्याबाट मुक्त हुने दिन छ। तपाईंको बोलीको प्रभावले समाज अगाडि बढ्नेछ। लगानी गर्ने समय छ। वैदेशिक क्षेत्रमा गरेको लगानीबाट फाइदा हुनेछ। राजनीतिमा झुकाब रहनेछ। सामाजिक सेवाको अवसर प्राप्त हुनेछ। अप्ठेरो परिस्थितिमा परिवारको राम्रो साथ मिल्नेछ।
कर्कट : अप्रिय समाचार सुन्नुपर्ने हुनसक्छ। सहयोग गर्ने साथी विपक्षी समूहसँग मिल्ने जोखिम देखिन्छ। लगानी गर्नु भन्दा भएको सम्पत्तिको संरक्षण गर्ने समय छ। परिवारको साथ र सहयोग मिल्नेछ।
सिंह : समय राम्रो छ। तपाईंको प्रतिभाको सम्मान हुनेछ। कार्यालयमा कार्यकुशलताको प्रशंसा हुनेछ। शिक्षामा गरेको लगानीबाट फाइदा हुनेछ। वैदेशिक क्षेत्रको रमझमले मन तान्ने योग छ। परिवारसँगको संवादमा सचेत हुनु राम्रो हुन्छ। सानो गल्तीले उग्र रुप लिने खतरा छ।
कन्या : आफ्नै साथीलाई तर्साएर कार्य सफल पार्ने दिन छ। धन, मन र चातुर्यताले गरेको कामबाट शान्ति मिल्नेछ। आर्थिक क्षेत्रमा प्रगति हुनेछ। नयाँ काम र योजना विस्तार हुनेछ। परिवारसँगको सम्बन्ध सुमधुर बन्नेछ।
तुला : दैनिकी राम्रो छ। धार्मिक व्यक्तिसँगको भेटले मन हलुका हुनेछ। कामको शैली सहज बन्नेछ। दक्षिणको लामो यात्रा भने नगर्नु होला। साथीको सहयोग मिल्ने भएकाले लगानी गर्ने हिम्मत गर्नु राम्रो हुनेछ। परिवारको सकारात्मक सहयोग प्राप्त हुनेछ।
वृश्चिक : दिन सामान्य छ। आफूले बोलेको विपरीत अर्थ लगाएर विरोध गर्ने समूह सक्रिय हुनसक्छ। यस्ता व्यक्तिबाट टाढा बस्नु राम्रो होला। प्राविधिक शिक्षाको लगानीबाट फाइदा हुनेछ। स्वास्थ्यमा गरेको प्रयास सफल हुनेछ। प्रेम सम्बन्ध सुमधुर बन्नेछ।
धनु : धन आर्जनको स्रोत पत्ता लाग्ने योग छ। तपाईंको कुशलताको प्रशंसा गर्नेहरु बढ्नेछन्। लगानीका स्रोतमध्ये व्यापारमा फाइदा हुनेछ। स्वास्थ्य र शिक्षामा विद्वानलाई प्रयोग गरेर फाइदा लिन सक्ने दिन छ। परिवारको साथ प्राप्त हुनेछ।
मकर : हरेक ठाउँमा तपाईंको बोली बिक्नेछ। उपयुक्त व्यक्तिसँग उपयुक्त विषय राख्न सक्दा फाइदा हुनेछ। कृषि कर्मबाट फाइदा हुनेछ। व्यापारमा नाफा हुने दिन छ। खल्ती दरिलो नभए ठगले दुःख दिने जोखिम छ।
कुम्भ : शनिको छाया योग छ। जसले गर्दा नकारात्मक सोच बढ्ने जोखिम हुन्छ। धार्मिक कार्यमा सहभागी भए मन शान्त हुनेछ। वर र पिपलको दर्शन गरेमा मात्र पनि धेरै समस्या समाधान हुनेछ। लगानी गर्नु भन्दा भएको संरक्षण गर्नु राम्रो हुन्छ।
मीन : दैनिक सामान्य छ। थोरै बोलेर धेरै काम गर्नुपर्ने दिन छ। हिजोका सहयोगीले आज असहयोग गर्न सक्छन्। बौद्धिक व्यक्तिको सल्लाहमा अगाडि बढ्न सके नयाँ योजना सफल बन्नेछ। परिवारको सहयोग मिल्नेछ। प्रेम सम्बन्ध सुमधुर बन्नेछ।
राशिफल जे जस्तो भएपनि तपाईंको दिन शुभ रहोस् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
