काठमाडौं । सेयर बजारमा दोहोरो अंकको करेक्सन आएको छ । आइतबार एकैदिन ११३ अंकले बढेको नेप्सेमा आज २० अंकको करेक्सन आएको हो ।
प्रफिट बुक गर्नेहरु हाबी हुँदा नेप्सेमा गिरावट आएको हो । सोमबार नेप्से परिसूचक २०.४६ अंकले घटेर २६६१.०९ बिन्दुमा आइपुगेको छ।
सूचकमा गिरावट आए पनि कारोबार रकममा भने उछाल आएको छ । अघिल्लो दिनको तुलनामा कारोबार रकम साढे ३ अर्बले बढेर १९ अर्ब ६० करोड रुपैयाँ पुगेको छ । यो ३५ महिना यताकै धेरै हो ।
आज ३२५ कम्पनीको ४ करोड ७७ लाख ९० हजार ८३७ कित्ता सेयर किनबेच भएको छ ।
कारोबारमा आएका १३ वटा समूहमध्ये फाइनान्स र हाइड्रोपावर बाहेक अरु सबै समूहको परिसूचक राताम्मे भएके छ । फाइनानस समूहको परिसूच्क सर्वाधिक १.८८ प्रतिशतले बढेको छ भने व्यापार समूहको ४.५४ प्रतिशतले घटेको छ । त्यस्तै, लघुवित्त समूहको परिसूच्क ३.७१ प्रतिशतले घटेको छ ।
आज शिवम् सिमेन्टको सर्वाधिक कारोबार भएको छ । यसको ६१ करोड १२ लाख रुपैयाँ बढीको ९ लाख ८८ हजार ६४९ कित्ता सेयर किनबेच भएको छ । त्यस्तै, कुमारी बैंकको ५५ करोड बढीको सेयर खरिद बिक्री भएको छ ।
कारोबारमा आएका मध्ये ७० कम्पनीको सेयर मूल्य बढेको छ भने १६८ कम्पनीको मूल्य घटेको छ ।
घट्दो बजारमा आज नेपाल फाइनान्सको सेयर मूल्य सर्वाधिक ९.७७ प्रतिशतले बढेको छ भने आरम्भ चौतारी लघुवित्तका सेयरधनीले ८.३५ प्रतिशत गुमाएका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
