काठमाडौं । सेयर बजारमा लगातार उच्च अंकको वृद्धि भएको छ । गत मंगलबारदेखि दैनिक ५० अंक बढीले बढ्दै आएको नेप्सेले आज पनि सोही लय कायम राखेको हो । पछिल्ला चार कारोबार दिनमै नेप्से २४५ अंकले बढेको छ ।
आइतबार नेप्से परिसूचक ६१.६१ अंकले बढेर २४८५.९४ बिन्दुमा पुगेको छ । यो पछिल्लो २८ महिना यताकै उच्च बिन्दु हो ।
सूचकसँगै आज कारोबार रकममा पनि उछाल आएको छ । आज पनि १५ अर्ब २३ करोड रुपैयाँको सेयर किनबेच भएको छ ।
आज ३१५ कम्पनीको ४ करोड ११ लाख ९५ हजार ५३४ कित्ता सेयर किनबेच भएको छ ।
कारोबारमा आएका १३ वटा समूहको परिसूचकमा हरियाली छाएको छ । व्यापार समूह सर्वाधिक ६.८० प्रतिशतले बढेको छ । त्यस्तै, होटल समूह ४.२१ प्रतितश र बैंकिङसमूह ३.८६ प्रतिशतले बढेको छ ।
आज सोल्टी होटलको सर्वाधिक कारोबार भएको छ । यसको ३४ करोड १० लाख रुपैयाँ बढीको ६ लाख ७८ हजार ५७४ कित्ता सेयर किनबेच भएको छ । त्यस्तै हिमालयन रि इन्स्योरेन्सका३० करोड ६७ लाख रुपैयाँ बढीको सेयर कारोबार भएको छ ।
कारोबारमा आएका १८१ कम्पनीको सेयर मूल्य बढेको छ भने ५६ कम्पनीको मूल्य घटेको छ ।
उच्च अंकले बढेको बजारमा आज ४ कम्पनीको सेयर मूल्यमा पोजेटिभ सर्किट लागेको छ । युनाइटेड मोदी हाइड्रोपावर, समता घरेलु लघुवित्त, हिमालयन बैंक र गणपति माइक्रोफाइनान्सको सेयर मूल्य १० प्रतिशतले बढको छ ।
सिक्लेस हाइड्रोपावरका सेयरधनीले भने ठ्याक्कै १० प्रतिशत गुमाएका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
