काठमाडौं । नेकपा एमालेका सचिव योगेश भट्टराईले संविधान संशोधन दुई तिहाई नभई सर्वसम्मत ढंगबाट गर्ने बताएका छन्।
सोमबार संसद भवन बानेश्वरमा सञ्चारकर्मीसँग कुरा गर्दै भट्टराईले नेपाली कांग्रेस र नेकपा एमालेको संख्याले मात्रै संविधान संशोधन नहुने बताउँदै माओवादीसहितका दलहरुलाई साथमा लिएर सर्वसम्मत रुपमा गर्ने बताएका हुन््।
‘संविधान संशोधन गर्न सहज नहुने देखिएकाले कांग्रेस÷एमाले एकैठाउँमा आएका हौं। बाँकी सबै दललाई साथमा लिएर राष्ट्रिय सरकार बनाउछौ,’ उनले भने।
कांग्रेस–एमालेको बाटोमा सबै राजनैतिक दल हिंड्न सकेमात्र शान्तिप्रक्रिया निष्कर्षमा पु¥याउन सकिने बताउँदै उनले संविधानलाई गतिशिल बनाउने र मुलुकलाई सही दिशा तर्फ लैजान सकिने बताए।
सरकारबाट हट्नु परेकाकारण माओवादी अध्यक्ष पुष्पकमल दाहाल अहिले आक्रोशित भएकाले कांग्रेस र एमालेले सम्झाउने प्रयास गरिरहेको उनले बताए।
दाहाललाई माओवादीको संख्याका आधारमा नभइ व्यक्तित्वका आधारमा प्रधानमन्त्री स्वीकारेका कारण राष्ट्रिय हितका विषयमा दाहालले साथ दिने दाबी भट्टराईले गरे।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
