काठमाडौं । शेयर बजार झिनो अंकले घटेको छ । साताको कारोबारको पहिलोदिन नेप्से परिसूचक ५.३७ अंकले घटेर २०६२.९४ विन्दुमा झरेको हो ।
यसदिन ३१७ कम्पनीको ४ अर्ब ३७ करोड ४५ लाख ९७ हजार ४५८ रुपैयाँ बराबरको ९५ लाख ६१ हजार ७२७ कित्ता शेयर किनबेच भएको छ । कारोबारमा आएका १३ वटा समूहको परिसूचकमध्ये ३ वटा बाहेक अरुसबैको घटेको छ ।
आज पोखरा फाइनान्सको सर्वाधिक कारोबार भएको छ । यसको १७ करोड १३ लाख रुपैयाँको शेयर किनबेच भएको छ । घट्दो बजारमा ५ कम्पनीको मूल्यमा पोजेटिभ सर्किट लागेको ।
घट्दो बजारमा पनि आज ५ कम्पनीको शेयर मूल्यमा पोजेटिभ सर्किट लागेको छ । रिलायन्स फाइनान्स, गणपति लघुवित्त, साधना लघुवित्त, माथिल्लो मैलुङ खोला जलविद्युत् र नेपाल फाइनान्सको शेयर मूल्य १० प्रतिशतले बढेको छ ।
आज ग्लोबल आइएमई लघुवित्तका शेयरधनीले भने सर्वाधिक ६.५८ प्रतिशत गुमाएका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
