धनुषा । मधेश प्रदेश सरकार विस्तार भएको छ।
मुख्यमन्त्री सतीश सिंहले जनमत पार्टीबाटै त्रिभुवन साहलाई वन तथा वातावरण मन्त्री र मोहम्मद सकिल मियाँलाई राज्यमन्त्री बनाउँदै सरकार विस्तार गरेका हुन्।
आइतबार नै नवनियुक्त वनमन्त्री साह र विनाविभागीय राज्यमन्त्री सकिल मियाँले पद तथा गोपनियताको शपथ लिएका छन्। वनमन्त्री साहले प्रदेश प्रमुख सुमित्रा सुवेदी भण्डारी र राज्यमन्त्री मियाँले मुख्यमन्त्री सतिश सिंहबाट शपथ लिएका हुन्।
१ मन्त्री र १ राज्यमन्त्री थपिएसँगै मधेश सरकार १६ सदस्यीय बनेको छ। शुक्रबार मुख्यमन्त्री बनेलगत्तै सिंहले १० मन्त्री र ३ राज्यमन्त्री नियुक्त गरेका थिए।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
