काठमाडौं । आइजीआई प्रुडेन्सियल इन्स्योरेन्सको साधारण सभा सम्पन्न भएको छ । कम्पनीको २६औं वार्षिक साधारण सभा फागुन २० गते सम्पन्न भएको हो ।
सभाले आगामी चार वर्षका लागि संचालक समेत चयन गरेको छ । संस्थापक समूहबाट हेमराज ढकाल, विशाल अग्रवाल, अम्बिका प्रसाद पौडेल र कृति टिवडेवाल निर्विरोध चयन भएका छन् । यस्तै, सर्वसाधारण समुहबाट भने राजेन्द्र सिंह भण्डारी र अमित अग्रवाल संचालकमा निर्विरोध निर्वाचित भएका हुन् ।
यस्तै, सभाले अध्यक्ष ढकालले प्रस्तुत गरेको गत आर्थिक वर्ष २०७९/८० को वार्षिक प्रतिवेदन पनि सर्वसम्मत पारित गरेको छ । आइजीआई प्रुडेन्सियल साविकको आइएमई जनरल र प्रुडेन्सियल इन्स्योरेन्स एक आपसमा गाभिएर बनेको कम्पनी हो ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
