पोखरा । पोखरामा जारी २३औं संस्करणको आहा रारा पोखरा गोल्डकप फुटबल प्रतियोगिताको उपाधिका लागि थ्री स्टार क्लब र त्रिभुवन आर्मी क्लब खेल्ने भएका छन् ।
थ्री स्टार र आर्मीबिचको फाइनल खेल पोखरा रंगशालामा शनिबार हुनेछ ।
सेमिफाइलनमा थ्री स्टारले जावलाखेल युथ क्लबलाई र आमीले चर्च ब्वाइज युनाइटेडलाई बिहीबार २–१ ले हराउँदै फाइनलको यात्रा तय गरेका हुन् ।
खेलको ६१ औं मिनेटमा दिनेश हेन्जनको गोलले आर्मीले अग्रता कायम गरेको थियो । ८३ औं मिनेटमा थ्रीस्टारका समिर तामाङले गोल गर्दै बराबरीको अवस्थामा ल्याएका थिए ।
चर्च ब्वाइज र आर्मीबिचको खेल निर्धारित समय १–१ को बराबरीमा टुंगिएपछि अतिरिक्त समयमा धेकेलिएको थियो ।
अतिरिक्त समयको नवौं मिनेटमा गोल गर्दै आर्मीले फाइनल यात्रा पक्का गरेको हो ।
थ्रीस्टार यस प्रतियोगितामा ५ पटक च्याम्पियन बन्दा आर्मी ४ पटक फाइनल पुग्दा उपाधि चुम्न सकेको छैन ।
२०७५ मा भएको संकरणमा आर्मीलाई हराउँदै थ्रीस्टारले उपाधि चुमेको थियो । थ्रीस्टारले हालसम्म २०६३, २०६७, २०६९, २०७१ र २०७५ मा आहा राराको उपाधि जितेको छ ।
च्याम्पियनले १२ लाख एक हजार र उपविजेताले ६ लाख एक हजार रुपैयाँ नगदसहित ट्रफी प्राप्त गर्नेछन् । विभिन्न ५ विधामा उत्कृष्ट खेलाडीलाई जनही २५ हजार रुपैयाँका दरले पुरस्कार पाउनेछन् । प्रतियोगिताको सर्वोत्कृष्ट खेलाडीले एक थान स्कुटर पाउनेछन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
