काठमाडौँ । टेलिभिजन रियालिटी शो 'द पोएट आइडल' सिजन २ को जजमा अभिनेत्री केकी अधिकारीको प्रवेश भएको छ ।
शोका निर्देशक अमनप्रताप अधिकारीका अनुसार पहिलो सिजनकी जज सुरक्षा पन्तको ठाउँमा दोस्रो सिजनमा केकी अनुबन्धित भएकी हुन् ।
शोको पहिलो सिजनमा सुरक्षा पन्तसहित उपेन्द्र सुब्बा, अनुप बराल र विप्लव प्रतीक जज थिए । पहिलो सिजनका बाँकी तीन जजले दोस्रो सिजनलाई पनि निरन्तरता दिनेछन् । यसबारे आजै हिमालयन टेलिभिजनसँग सम्झौता भइसकेको छ ।
यो शोको दोस्रो सिजन माघ २२ गतेदेखि प्रसारण हुनेछ । सिक्किमकी कवयत्री निलम गुरुङ पहिलो सिजनको पोएट आइडलको विजेता बनेकी थिइन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
