आज २०८० पुस २२ गते आइतवार , यस्तो छ आजको पञ्चाङ्ग र राशिफल

आजको पञ्चाङ्ग

काठमाडौ । २०८० पुस २२ गते | आइतवार ७ जनवरी २०२४। पाैष कृष्णपक्ष एकादशी तिथि। विशाखा नक्षत्र, १९ः३० बजेपछि अनुराधा। चन्द्रराशि तुला, १३ः१८ बजेपछि वृश्चिक।

आजको राशिफल

मेष (चु, चे, चो, ला, लि, लु, ले, लो,

दिन राम्रो छ। बोलीको प्रभावले धेरै काम बन्नेछन्। लामो यात्रा नगर्नु राम्रो हुन्छ। उत्तरको यात्रा गर्दै नगर्नुहोला। परिवारिक सम्बन्ध रमाइलो हुनाले खर्च बढ्ने योग रहेको छ।

वृष(इ, उ, ए, ओ, वा, वि, वु, वे, वो)

दिन राम्रो छ। सामाजिक क्षेत्रमा कुरा काट्ने धेरै छन्। न्यायको पक्षमा बोल्नु उपयुक्त हुन्छ। वैदेशिक क्षेत्रको लगानीबाट फाइदा हुनेछ। परिवारलाई बढी विश्वास गर्दा धोका हुने योग रहेको छ।

मिथुन (का, कि, कु, घ, ङ, छ, के, को, हा)

आजको दैनिकी सामान्य छ। राम्रो काममा हिम्मत गर्नुभयो भने फाइदा हुनेछ। जग्गाको कारोबारमा फाइदा हुनेछ। शैक्षिक क्षेत्रमा उन्नति हुने देखिन्छ। परिवारमा भने खटपटी हुनसक्छ।

कर्कट (हि, हु, हे, हो, डा, डि, डु, डे, डो)

हरेक क्षेत्र सबल छन्। अचानक सम्पत्ति खर्च हुने योग रहेको छ। साथीसँगको सम्बन्ध बिग्रिन सक्छ। रोजगारीमा बढुवा हुने योग छ। वैदेशिक क्षेत्रको लगानीबाट फाइदा हुनेछ। प्रेम सम्बन्ध सुमधुर बन्ने छ।

सिंह (मा, मि, मु, मे, मो, टा, टि, टु, टे)

दिन सामान्य छ। आर्थिक, सामाजिक र वैदेशिक क्षेत्रको लगानीबाट फाइदा हुनेछ। पुरानो रोगको प्रकोप बढ्ने देखिन्छ। वैदेशिक रोजगारीको क्षेत्रमा गरेको लगानीबाट उन्नति हुनेछ। पारिवारिक सम्बन्ध सुमधुर बन्नेछ।

कन्या  (टो, पा, पि, पु, ष, ण, ठ, पे, पो)

राम्रो खबर सुन्न पाइने छ। स्वास्थ्य राम्रो हुनेछ। स्वदेशमै लगानी गर्ने विषयमा मन उत्साहित हुनेछ। समाजसेवा र परोपकारमा मन जानेछ। प्रेम सम्बन्ध सुमधुर बन्नेछ।

तुला (रा, रि, रु, रे, रो, ता, ति, तु, ते)

दिन राम्रो छ। राम्रो कुरा सोच्नु भएको भए इच्छा पुरा हुनेछ। देशको उन्नतिका लागि काम गर्नु राम्रो हुन्छ। परोपरकार गर्न खोज्नुभयो भने परिवारको साथ र सहयोग मिल्नेछ।

वृश्चिक (तो, ना, नि, नु, ने, नो, या, यि, यु)

दैनिकी सामान्य छ। हरेक क्षेत्रमा बाधा र विरोध रहे पनि शिक्षाको क्षेत्रमा गरेको लगानीबाट उल्लेखनीय लाभ प्राप्त हुनेछ। पारिवारिक साथ र सहयोग हुनाले मनमा शान्ति मिल्नेछ।

धनु (ये, यो, भा, भि, भु, धा, फा, ढा, भे)

आजको दिन सामान्य राम्रो छ। सोचेर बोल्नु राम्रो हुन्छ। बोलीकै कारण समस्या आइपर्ने हुनाले विवेक प्रयोग गर्नु उपयुक्त हुन्छ। समाजमा झुटो आरोप लाग्नसक्छ। परिवारमा खटपटी बढ्ने देखिन्छ। परेवालाई दाना दिनुभयो भने धेरै संकट टर्नेछ।

मकर (भो,जा,जि,जु,जे,जो,ख,खि,खु,खे,खो,गा,गि)

दिन राम्रो छ। खानपानमा ख्याल गर्नु राम्रो हुन्छ। आजको दिनमा माछा र मासुबाट अलग रहनु। शिक्षाको क्षेत्रमा उन्नति हुने योग छ। परिवारबाट असहयोग हुनसक्छ।

कुम्भ (गु, गे, गो, सा, सि, सु, से, सो, दा)

दिन सामान्य छ। हरेक क्षेत्रमा विरोध हुनसक्छ। मन बलियो पारे थालेको काम सफल हुनेछ। पिपलको दर्शन गर्नुभयो भने संकट टर्नेछ। परिवारको साथ र सहयोग प्राप्त हुनेछ।

मिन (गु, गे, गो, सा, सि, सु, से, सो, दा)

दिन राम्रो छ। आर्थिक र सामाजिक क्षेत्र सबल छन्। घर वा डेरा सर्ने चटारो हुनेछ। वैदेशिक क्षेत्रमा लगानी गरेको भए फाइदा हुनेछ। प्रेम सम्बन्ध सुमधुर बन्नेछ। परिवारको साथ र सहयोग मिल्नेछ।

राशिफल  जे जस्तो भएपनि तपाईंको दिन शुभ रहोस् । 

एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।