काठमाडौं । अभिनेत्री कट्रिना कैफ पछिल्लो समय फिल्म ‘टाइगर ३’ को कारण चर्चामा छिन् । केही दिनअगाडि रिलिज भएको फिल्मले बक्स अफिसमा राम्रो व्यवसाय गरिरहेको छ ।
‘टाइगर ३’ को अलावा उनको फिल्म ‘मेरी क्रिसमस’ पनि चर्चामा छ । यो फिल्ममा उनी विजय सेतुपतिको जोडीको रूपमा देखिँदै छिन् ।
फिल्मको अहिले रिलिज मिति परिवर्तन भएको खबर बाहिरिएको छ । फिल्मको रिलिज डेट १५ डिसेम्बरबाट सरेर नयाँ वर्षमा पुगेको छ।
फिल्म अव १२ जनवरी २०२४ मा प्रदर्शन हुनेछ । फिल्मको रिलिज मिति परिवर्तन भएको यो दोस्रो पटक हो । यस अगाडि फिल्म १५ डिसेम्बरबाट सरेर ८ मा पुगेको थियो । कट्रिनाको अभिनय रहेको फिल्म ‘योद्धा’ १५ डिसेम्बरमा आउन लागेको कारण यो फिल्म ८ डिसेम्बरमा सारिएको थियो ।
अहिले निर्माण युनिटले यो मितिबाट पनि सारेर नयाँ वर्ष पुर्याएको छ । ‘मेरी क्रिसमस’मा कट्रीना र विजय पहिलोपटक एकसाथ देखिन लागेका हुन् । विजय यसअगाडि शाहरुखको फिल्म ‘जवान’ भिलेनको रूपमा समेत देखिएका थिए ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
