काठमाडौं । प्रमुख प्रतिपक्षी नेकपा एमालेको अवरोधका कारण प्रतिनिधिसभाको बैठक स्थगन भएको छ ।
बुधबार संसदको बैठक सुरु हुने बित्तिकै एमालेका सांसदहरु उठेर नाराबाजी गरेपछि बैठक कार्यसूचीमा प्रवेश नगरी स्थगन भएको हो ।
एमालेले एक क्विन्टल सुन तस्करी प्रकरणको छानबिन गर्न उच्चस्तरीय छानबिन समिति गठनको माग गर्दै अवरोध गरे हो ।
यसअघि पनि एमालेले लगातार संसद बैठक अबरुद्ध गर्दै आएको छ । मंगलबारको बैठक सरकारको तर्फबाट गृहमन्त्री नारायणकाजी श्रेष्ठले जवाफ दिए पनि एमालले चित्त नबुझेको भन्दै आज पनि अवरोध गरेको छ ।
आजको बैठक स्थगन भएसँगै सभामुख देवराज घिमिरले अर्को बैठक शुक्रबार दिउँसो १ बजे बोलाएका छन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
