काठमाडौं । भिडियो साझेदारी प्लेटफर्म युट्युब निकै उपयोगी बन्दै गइरहेको छ ।
हिजो गुमनाम रहेकालाई युट्युबको भिडियोले रातारात स्टार मात्रै बनाइरहेको छैन आर्थिक स्तर उकास्नसमेत यसले भूमिका खेलिरहेको छ । अब कम सब्सक्राइबर भए पनि रकम आउनका लागि जरुरी पर्ने मनिटाइज हुने भएको छ ।
साना क्रियटरहरूलाई ध्यानमा राख्दै युट्युबले मनिटाइजेसन पोलिसी अर्थात् च्यानल मनिटाइज गर्ने नियमहरूमा केही परिवर्तन ल्याएको हो ।
यसअघि युट्युबले मनिटाइजेसनका लागि १००० सब्सक्राइबर हुनुपर्ने नीति बनाएको थियो । अब त्यसलाई परिमार्जन गरेर ५०० मा झारिएको छ । साना ‘क्रियटर’हरूलाई मध्यनजर गरेर युट्युबले यस्तो व्यवस्था गरेको हो ।
वाच आवर अवधि पनि घटाइएको छ । यसअघि वाच आवर ४००० रहेकोमा त्यसलाई घटाएर ३००० बनाइएको हो । शर्ट भ्युजलाई पनि एक करोडबाट ३० लाखमा झारिएको छ । आम्दानीतर्फ पनि केही संशोधन गरिएको छैन ।
अघिल्लो वर्ष उक्त च्यानलका भिडियोहरू तीन हजार घण्टा हेरिएका वा पछिल्ला ९० दिनमा युट्युब सर्ट भिडियो ३० लाखपटक हेरिएको हुनुपर्ने व्यवस्था पनि गरिएको छ ।
कम्पनीका अनुसार, यो नियम सुरुमा अमेरिका, क्यानडा, बेलायत, ताइवान र दक्षिण कोरियामा लागू हुनेछ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
