काठमाडौं । नेपाली कांग्रेसका प्रमुख सचेतक रमेश लेखकले सरकारले ल्याएको नीति तथा कार्यक्रम राम्रो भएको जिकिर गरेका छन् ।
शनिवार संसदमा नीति तथा कार्यक्रममाथि आफ्नो धारणा राख्दै सांसद लेखकले सरकारले आफ्ना प्राथमिकता स्रोत र साधनको आधारमा तय गरेको र यो उत्कृट रहेको जिकिर गरे ।
उनले भने, ‘हामी कैले कहीँ साध्य र साधनमा भ्रमित हुने गरेका छौं । जस्तो हाम्रो संविधानले बडो सुपरिभाषित ढंगले साध्य र साधनलाई परिभाषित गरेको छ र ठोस ढंगले अघि बढाएको छ । संघीय लोकतान्त्रिक शासन व्यवस्था साधन हो साध्य होइन्। ’
सांसद लेखकले नीति तथा कार्यक्रम पनि सरकारको साधान मात्रै भएको जिकिर गर्दै सरकारले आफ्नो नीति अनुरुप काम गर्न सक्नुपर्ने बताए ।
उनले भने, ‘नेपाल सरकारको नीति तथा कार्यक्रम सरकारको अर्थ राजनीतिक घोषणा पत्र हो । मूलत यो घोषणा पत्रले, तीनवटा विषय बोकेको हुन्छ, बोकेको छ । पहिलो विषय यसले देशको तत्कालीन आर्थिक संवैधानिक र शासकीय विश्लेषण गरेर सुक्ष्म अध्ययन गरेर एउटा निष्कर्ष निकाल्नु पर्दछ, अर्को मुलुकको आवश्यकता र प्राथमिकतामा टेकेर गन्तब्य निर्धारण गर्नुपर्छ ।’
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
