काठमाडौं । रेशम चौधरीलाई सजायमाफी दिने गृह मन्त्रालयको प्रस्तावलाई राष्ट्रपति रामचन्द्र पौडेलले गृह मन्त्रालयमै फिर्ता गरेका छन्।
बुधवार गृह मन्त्रालयले चौधरीलाई आम माफीका लागि प्रस्ताव गरेको थियो। उक्त प्रस्ताव कानुन र अदालतको फैसला विपरित नहुने गरी फिर्ता पठाएको उनकाे सचिवालयले जनाएको छ ।
चौधरीलाई केही समयअघि मात्रै सर्वोच्च अदालतले उच्च अदालतको जन्मकैदको फैसललाई सदर गरेको थियो। सरकारले गणतन्त्र दिवसका दिन राष्ट्रपतिबाट सजाय माफी गराउन प्रस्ताव गरेको थियो। टिकापुर घटनामा संलग्न भएको भन्दै चौधरी कारागारमा छन्।
यसैगरी टिकापुरमा हत्या भएका नेपाल प्रहरीका प्रहरी निरीक्षक केशव बोहराकी पत्नी शारदा बोहराले राष्ट्रपति कार्यालयमा निवेदनलाई राष्ट्रपति कार्यालयले गृहमन्त्रालयमा कार्याथ पठाएको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
