काठमाडौं । अब विदेशबाट आउने नेपाली नागरिकले दुई वटा मोबाइल ल्याउन पाउने भएका छन् ।
मंगलबार बसेको मन्त्रिपरिषदको बैठकले झिटीगुण्टा नियमावली संशोधन गर्दै आफ्नो साथमा बढीमा दुई वटा मोबाइल ल्याउन पाउने व्यवस्था गर्ने निर्णय गरेको हो ।
हाल विदेशबाट आउने नागरिकले आफ्नो साथमा एउटा मात्रै मोबाइल ल्याउन पाउने व्यवस्था छ । सञ्चार, सूचना तथा प्रविधिमन्त्री रेखा शर्माले सञ्चार र श्रम मन्त्रालयले आवश्यक गृहकार्य गरी छिट्टै यो व्यवस्था लागू गरिने जानकारी दिइन् ।
यो निर्णय लागू भएपछि अब विदेशबाट आउने नागरिकले आफूले चलाइरहेको मोबाइल बाहेक अर्को थप एक मोबाइल ल्याउन पाउने छन् ।
यस्तै, मन्त्रिपरिषद बैठकले एमडीएमएस पनि लागू गर्ने निर्णय गरेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
