काठमाडौं । एक सातादेखि लगातार ओरालो लागेको शेयर बजारको यात्रा रोकिएको छ । साताको कारोबारको दोस्रोदिन शेयर बजार मापक सूचक(नेप्से) १४.४१अंकले बढेर १९५२.६६ विन्दुमा पुगेको हो ।
नेपाल स्टक एक्सचेन्जका अनुसार मंगलवार २५९ कम्पनीको १ अर्ब २० करोड ४४ लाख ९ हजार ४११ रुपैयाँ बराबरको ४० लाख ५९ हजार १४९कित्ता शेयर किनबेच भएका छन् ।
अघिल्लो दिनको तुलनामा कारोबार रकम घटेको छ । आइतवार १ अर्ब ३९ करोड २३ लाख ५४ हजार ८९३ रुपैयाँ बराबरको कारोबार भएको थियो ।
कारोबारमा आएका १३ वटा उपसमूहको परिसूचक मध्ये २ वटाको घटेको छ भने अन्यको बढेको छ ।
दोहोरो अंकले बढेको बजारमा दुई कम्पनीको शेयरमूल्यमा उच्च वृद्धि भएको छ । सुभम पावर लिमिटेडको शेयरमूल्य १० प्रतिशत र सुपर मादीको ९.९७ प्रतिशतले बढेको छ ।
आज सिवाइसी नेपाल लघुवित्त वित्तीय संस्थाको शेयरमूल्यमा सबैभन्दा बढी गिरावट भएको छ । यसको शेयरमूल्य ५ प्रतिशत भन्दा बढीले घटेको छ ।
कारोबारको आधारमा आज सबैभन्दा बढी साल्ट टेडिङ कर्पोरेसनको भएको छ । यसको आज १२ करोड ७ लाखभन्दा बढीको कारोबार भएको छ ।
त्यस्तै, हिमालयन डिस्ट्रीलरीको ९ करोड ३९ लाख र छिमेकी लघुवित्तको ५ करोड ४४ र शिवम् सिमेन्टको ३ करोड ११ लाख बढीको कारोबार भएको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
