काठमाडौं । शुभम पावर कम्पनीले सर्वसाधारणका लागि साधारण सेयर (आईपीओ) निष्कासन गर्ने भएको छ ।
कम्पनीले ५ लाख ८० हजार ५८० कित्ता सेयर सर्वसाधारण लागि निष्कासन गर्ने भएको छ । जसमा ५८ हजार ५८ कित्ता सेयर वैदेशिक रोजगारीमा रहेका नेपाली, २९ हजार ३० कित्ता सामूहिक लगानी कोष र ११ हाजर ६१० कित्ता सेयर कम्पनीका कर्मचारीलाई छुट्याएको छ । सर्वसाधारणले भने ४ लाख ८१ हजार ८८२ कित्ताका लागि आवेदन दिन सक्नेछन् ।
माघ १८ गतेदेखि निष्कासन हुने आईपीओमा माघ २२ गतेसम्म आवेदन दिन सकिनेछ । उक्त अवधिमा माग अुनसार आवेदन नपरेमा फागुन ३ गतेसम्म आवेदन दिन सकिने कम्पनीले जनाएको छ ।
आईपीओमा न्यूनतम १० देखि अधिकतम ५ हजार कित्तासम्म आवेदन दिन सकिने छ । आईपीओमा आवेदनकर्ताले सि–आस्वा सदस्य रहेका बैंक तथा वित्तीय संस्था र मेरो सेयरमार्फत आवेदन दिन सकिने छ । यसको बिक्री प्रबन्धकमा मुक्तिनाथ क्यापिटल रहेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
