काठमाडौं । काठमाडौंको प्रतिष्ठित मेघा कलेजले सामाजिक परियोजना अन्तर्गत ग्रामीण कार्यक्रम दाङको लमहीमा सम्पन्न गरेको छ । सो कार्यक्रम अन्तर्गत विभिन्न क्रियाकलापहरु गरेको छ ।
बाल जनता आधारभुत विद्यालय बनगाँउका २१९ विद्यार्थीहरुको लागी जुत्ता बितरण, स्टेसनरी सामग्री प्रदान साथै बालयौन दुराचार, लागुऔसध दुर्ब्यसन, नेतृत्व विकास, सुरक्षित महिनावारी, ट्राफिक नियम सम्बन्धि प्रशिक्षण दिइएको छ ।
आदर्श माध्यामिक विद्यालय देउपुरमा कक्षा ९/१० मा अध्यनरत विद्यार्थीहरुलाई त्यस्तै शिर्षकमा प्रशिक्षण साथै विद्यालयलाई स्टेशनरी सामग्री प्रदान गरिएको छ ।
लमही नगरपालिकाका उपप्रमुख लक्ष्मी योगी, शिक्षा अधिकृत भवानी गिरी, लगायतको टोलीसंग पनि भेटघाट गरेको छ साथै लमही नगरपालिका भित्र सामाजिक कार्य अन्तरगत के कस्ता कामहरु भैरहेका छन् भन्ने विषयमा अन्तरक्रिया पनि गरेको छ । नगरपालिका भित्रका केही थारु बस्तीहरुको अबलोकन भ्रमण, थारु संस्कृतिको बारेमा अध्ययन गरेको कलेजका सहप्राध्यापक मधुकर पाण्डे बताए ।
कोर्स पढेर मात्र सिकिदैन, सिक्न त ब्यबहारिक अभ्यास नै चाहिन्छ। कलेजले प्रत्येक वर्ष यसरी नै विद्यार्थीहरुलाई सामाजिक कार्य अन्तर्गत उपत्यका बाहिर टाढा-टाढा सम्म ग्रामिण क्याम्प लग्ने गरेको र यहि सिलसिलामा यो वर्ष दाङ जिल्लालाई छनोट गरिएको हो।
यसबाट विद्यार्थीहरु समाजलाई बुझ्ने, नयाँ ठाउँ परिवेश, संस्कृति र समाज संग परिचित र घुलमिल हुने, सामाजिक सेवामा आफुलाई प्रेरित गर्न सहयोग पुग्ने सहप्राध्यापक पाण्डेले जानकारी दिए ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
