काठमाडौं । नेपाली कांग्रेसले सातै प्रदेशसहित संघीय सरकारमा नेतृत्वका लागि दाबी गर्ने निर्णय गरेको छ ।
पार्टी केन्द्रीय कार्यालय सानेपामा आइतबार बसेको कार्यसम्पादन समितिको बैठकले सबै प्रदेश र संघमा नेतृत्व दाबी गर्ने निर्णय गरेको हो ।
कांग्रेस कार्यसम्पादन समितिले सरकार गठनको विकल्प के के हुनसक्छ भनेर सहयात्री दलहरूसँग छलफल गर्ने निर्णय गरेको बैठकपछि प्रवक्ता डा प्रकाशशरण महतले जानकारी दिए । उनका अनुसार प्रदेश सरकार बनाउन प्रक्रिया अघि बढाउने अधिकार प्रदेश समितिलाई दिइएको छ । सरकार बनाउन प्रदेश समितिहरूले दलहरूसँग छलफल गरेर अघि बढ्ने महतले बताए । प्रदेश समितिले दिएको रायका आधारमा सात प्रदेशका सरकारका विषयमा केन्द्रले निर्णय गर्ने उनले जानकारी दिए।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
