काठमाडौं । कोरोना बीमाको दाबी भुक्तानी आज (मंगलबार) देखि हुने भएको छ।
बिमा प्राधिकरणका कार्यकारी निर्देशक तथा प्रवक्ता राजुरमण पौडलले लामो समयदेखि भुक्तानी हुन नसकेको कोरोना बिमाको दाबी भुक्तानी मंगलबारबाट गर्न लागिएको बताए ।
पौडलका अनुसार नेपाल सरकार, नेपाल बीमा प्राधिकरण र निर्जीवन बीमा कम्पनीहरुले एक अर्ब २७ करोड २७ लाख रुपैयाँ दाबी भुक्तानीको लागि बिमा पुलमा जम्मा गरेर राखिएको छ।
कोरोना कालमा बीमा सुरु गर्दाको बखत सरकारको दायित्व बराबरको रकम निकासा नहुँदा लामो समयदेखि दाबी भुक्तानी रोकिएको थियो। कम्पनीको प्रतिनिधित्व गर्दै प्राधिकरणले पटक पटक ताकेता गर्दापनि सरकारले रकम निकासा गरेको थिएन।
बिमा प्राधिकरणका अनुसार कोरोना बीमा पुलमार्फत व्यक्ति तथा परिवारलाई पहिलो प्राथमिक्ता दिइनेछ।
पछिल्लो पटक सरकारले तिर्नु पर्ने दायित्व बराबरको रकममध्येबाट ४५ प्रतिशत बीमा प्राधिकरण मातहत अर्थात निर्जीवन बिमा कम्पनी र निर्जिवन बिमा कम्पनीले तिर्ने गरी प्राधिकरणले अर्थमन्त्रालय समक्ष प्रस्ताव ग¥यो। सोही अनुसार एकैपटक सबै रकम निकासा गर्न नसकिने बताउँदै सरकारले गत असोज तेस्रो साता १ अर्ब रुपैयाँ उपलब्ध गराएको थियो।
मन्त्रालयले दिएको १ अर्ब रूपैयाँलाई ५५ प्रतिशत मान्दा हुन आउने रकममा सत प्रतिशत हुन आउने गरी दायित्व निर्जीबन, नेपाल पुनर्बीमा कम्पनी र प्राधिकरणको दायित्वमा पारेको थियो। उक्त १ अर्बको ८ प्रतिशतले हुन आउने १४ करोड ५४ लाख रूपैयाँ प्राधिकरणले उपलब्ध गराइसकेको छ। निर्जीवन बीमा कम्पनीहरूले २५ प्रतिशत (४५ करोड ४५ लाख) रूपैयाँ दिने तयारीमा छन्।
नेपाल पुनर्बीमा कम्पनीले अतिरिक्त अर्थात प्राधिकरणको मोडालिटि अनुसार दिनुपर्ने १२ प्रतिशतले हुन आउने २१ करोड ८१ लाख रुपैयाँ दिन नसकिने जनाएको छ । आफ्नो भागको दायित्व बाँकि नरहेकोले थप रकम दिन नसक्ने पुनर्बीमा कम्पनीले जनाएको हो ।
त्यो बाहेकको रकमबाट मंगलबारदेखि दाबी भुक्तानी सुरु हुने भएको हो। नेपाल पुनर्बीमाले भुक्तानी गर्नु पर्ने रकम आए पछि पुनः वितरण कार्य आरम्भ गरिने संघले जनाएको छ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
