काठमाडौं । विश्वकप फुटबलको उदघाटन खेलमा आयोजक कतार पराजित भएको छ । कतार इक्वेडरसँग २–० ले पराजित भएको छ।
दक्षिण अमेरकी राष्ट्रलाई जित दिलाउन कप्तान भ्यालेन्सियाले नै दुई गोल गरे। तर १६ औं मिनेटमा पेनाल्टीमार्फत गोल गर्दै इक्वेडरले अग्रता लिएको थियो।
त्यस्तै खलेको ३१ औं मिनेटमा उनै भ्यालेन्सियाले गोल गर्दै अग्रता दोब्बर पारेका थिए। दोस्रो हाफमा भने दुवै पक्षबाट गोल हुन सकेन। जितपछि इक्ववेडरले तीन अंक जोडेको छ।
आज समूह ‘ए’ को एक र समूह ‘बी’ को दुई खेल हुन लागेका हुन् । सोमबार हुने पहिलो खेलमा इंग्ल्याण्ड र इरानले प्रतिस्पर्धा गर्नेछन् । यी दुई टिमबीचको खेल नेपाली सयअनुसार बेलुका ६ः४५ बजे सुरु हुनेछ ।
समूह ‘बी’ मा रहेको इंग्ल्याण्ड र इरान जित निकाल्दै सुखद सुरुआत गर्न चाहन्छ । हालसम्म इंग्ल्याण्डले एकपटक विश्वकप जितेको छ । समूह ‘बी’ अन्तर्गतको अर्को खेलमा अमेरिका र वेल्सले खेल्नेछन् । अमेरिका–वेल्सबीचको खेल राति १२ः४५ बजे सुरु हुनेछ ।
त्यस्तै, समूह ‘ए’ अन्तर्गत सेनेगल र नेदरल्याण्ड्सबीच खेल्दैछन् । यी दुई टोलीबीचको खेल नेपाली समयअनुसार राति ९ः४५ बजे सुरु हुनेछ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
