काठमाडौं । सूर्या लाइफ इन्स्योरेन्सको खुद नाफा झन्डै दोब्बरले बढेको छ । कम्पनीले सोमबार सार्वजनिक गरेको चालु आर्थिक वर्ष २०७९/८० को पहिलो त्रैमासको अपरिष्कृत वित्तीय विवरण अनुसार खुद नाफा ८२.५४ प्रतिशतले बढेको हो ।
कम्पनीले चालु आवको असोज मसान्तसम्म २० करोड ७३ लाख रुपैयाँ खुद नाफा कमाएको छ । यो गत वर्षको सोही अवधिको तुलनामा ९ करोड रुपैयाँ बढी हो । गत वर्षको सोही अवधिमा सूर्याले ११ करोड ३५ लाख रुपैयाँ खुद नाफा कमाएको थियो ।
कम्पनीको खुद बीमा शुल्क, लगानी कर्जा तथा अन्य आयबाट हुने आम्दानी बढ्दा र नोक्सानी व्यवस्थापनबाट १३ करोड ४५ लाख रुपैयाँ फिर्ता आउँदा नाफामा छलाङ आएको हो ।
समीक्षा अवधिमा कम्पनीको खुद बीमा शुल्क आर्जन १३.३१ प्रतिशतले बढेर १ अर्ब २६ करोड रुपैयाँ पुगेको छ । लगानी कर्जा तथा अन्य आयबाट हुने आम्दानी ५.५६ प्रतिशत बढेर ७ करोड ११ लाख रुपैयाँ पुगेको छ ।
हाल २ अर्ब ५५ करोड चुक्ता पूँजी रहेको कम्पनीको रिजर्भ कोषमा ७१ करोड २२ रुपैयाँ संचित छ । यस्तै, जीवन बीमा कोषमा १४ अर्ब ९२ करोड र महाविपत्ती कोषमा १८ करोड १४ लाख रुपैयाँ सञ्चित छ।
समीक्षा अवधिमा कम्पनीको प्रतिसेयर आम्दानी ३२.५२ रुपैयाँ, प्रतिसेयर नेटवर्थ पनि १२६.२२ रुपैयाँ र मूल्य आम्दानी अनुपात ११.९० गुणा रहेको छ । सूर्या लाइफ हाल ज्योति लाइफ इन्स्योरेन्ससँग मर्जर प्रक्रियामा रहेको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
