दैलेख । दैलेखमा मोटरसाइकल चोरी गरेको आरोपमा चार जनालाई मोटरसाइकल सहित प्रहरीले पक्राउ गरेको छ ।
बिहीबार बिहान तीन बजेको समयमा दैलेखको गुराँस गाउँपालिका वडा नं. १ पातल खोला स्थित घरबाट दैलेखको चामुण्डा बिन्द्रासैनी नगरपालिका वडा नं. ४ र ८ बस्ने ४ जना अभियुक्तहरूलाई २ वटा मोटरसाइकल (कर्णाली प्रदेश ००१ प २०९ , लु ८० प २०१८) चोरी गरी लिँदै गरेको र निजहरू चढी आएको (भे.४ प ८५८३, लु ८० प १९३५) नम्बरको मोटरसाइकल तथा चार जना अभियुक्तहरूलाई स्थानीय व्यक्तिहरूको सहयोगमा पक्राउ गरेको जिल्ला प्रहरी कार्यालय दैलेखले जानकारी दिएको छ ।
यस्तै जिल्ला प्रहरी कार्यालय दैलेखले जिल्ला अदालतबाट अनुमति लिई अनुसन्धान कार्य भइरहेको जनाएको छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
