काठमाडौं ।नवौं राष्ट्रिय खेलकुद अन्तर्गत आजबाट पुरुष क्रिकेट प्रतियोगिता शुरु हुँदै छ।
गण्डकी प्रदेशमा आयोजना हुने नवौं राष्ट्रिय खेलकुद असोज २८ देखि कात्तिक ३ सम्म आयोजना हुनेछ। तर, पुरुष क्रिकेट प्रतियोगिता भने अगाडि नै गर्न लागिएको हो।
आज पहिलो दिन चार खेल हुने भएका छन्। कीर्तिपुरस्थित त्रिवि क्रिकेट मैदानमा बिहान ९ः१५ बजे एनआरएनए टिम र सुदूरपश्चिम प्रदेशको टिमबीच प्रतिस्पर्धा हुनेछ। त्रिवि मैदानमै दोस्रो खेलमा बागमती प्रदेश र प्रदेश १ भिड्नेछन्।
त्यस्तै, मूलपानी क्रिकेट मैदानमा हुने पहिलो खेलमा मधेश प्रदेश र गण्डकी प्रदेशको प्रतिस्पर्धा हुनेछ। दोस्रो खेलमा लुम्बिनी प्रदेश र कर्णाली प्रदेशबीच प्रतिस्पर्धा हुने नेपाल क्रिकेट संघले जनाएको छ।
प्रतियोगितामा तीन वटा विभागीय टोली, सातै प्रदेश र एनआरएनको गरी ११ टोली सहभागी हुनेछन्।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
