काठमाडौं । साफ महिला च्याम्पियनसिप फुटबल प्रतियोगिता आजबाट काठमाडौंमा शुरु हुने भएको छ।
आज उद्घाटन खेलमा नेपाल र भुटान प्रतिस्पर्धा गर्नेछन्। उद्घाटन खेल काठमाडौंको त्रिपुरेश्वरस्थित दशरथ रङ्गशालामा बेलुका साढे ५ बजे हुनेछ।
प्रतियोगितामा दक्षिण एशियाका सात देशको सहभागिता रहेको छ। सातै देशलाई दुई समूहमा विभाजन गरी लिगकम नकआउटका आधारमा खेलाइनेछ।
प्रतियोगितामा सहभागी हुन भारत, श्रीलङ्का, भुटान, बङ्गलादेश, पाकिस्तान र माल्दिभ्सको टोली काठमाडौं पुगिसकेको छ।
समूह ‘ए’ मा नेपाल, श्रीलङ्का र भुटान छन् भने समूह ‘बी’ मा भारत, बङ्गलादेश, पाकिस्तान र माल्दिभ्स छन्। प्रत्येक समूहका शीर्ष दुई टोलीले सेमिफाइनलमा प्रवेश गर्नेछन्।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
