काठमाडौं । नेपाल मेडिकल काउन्सिलले लिएको दर्ता प्रमाणपत्र (लाइसेन्स) परीक्षामा झण्डै ६८ प्रतिशत अर्थात् १ हजार १७ जना अनुत्तीर्ण भएका छन् । काउन्सिलका रजिष्टार डा. कृष्ण अधिकारीका अनुसार, ३१.८४ प्रतिशत विद्यार्थी मात्र उत्तीर्ण भएका छन् ।
लाइसेन्स परीक्षामा एमबिबिएस र बिडिएसका गरी १ हजार ४ सय ९४ जना सहभागी थिए । जसमध्ये ४ सय ७५ जनामात्र उत्तीर्ण भएका छन् ।
काउन्सिलले कम्प्युटरमा आधारित दर्ता प्रमाणपत्र परीक्षा सञ्चालन गर्दै आएको छ । जेठ १२ गतेदेखि तीन दिनसम्म परीक्षा सञ्चालन भएको थियो ।
यसपटकको लाइसेन्स परीक्षामा ११ सय पुराना विद्यार्थी सहभागी भएको डा. अधिकारीले बताए । परीक्षामा कुल १ हजार ५१६ जनाले फाराम भरेका थिए । त्यसमध्ये २२ जना अनुपस्थित रहे भने २ जनाको नतिजा रोकिएको छ । आजको अन्नपूर्ण पोस्ट् दैनिकमा खबर छ ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
