काठमाडौं । पछिल्लो मतपरिणाम अनुसार देशभरका ७५३ मध्ये ४०८ स्थानीय तहको मतगणना सकिएको छ । जसमा सबैभन्दा बढी कांग्रेस १८७ पालिका जितेर पहिलो, ११५ स्थानमा जितेर एमाले दोस्रो र तेस्रो स्थानमा रहेको माओवादी केन्द्रले ८२ स्थान जितेको छ ।
यस्तै नेकपा (एकीकृत समाजवादी) ले ७, जनता समाजवादी पार्टीले ५ र अन्यले १२ पालिकामा जित हासिल गरेका छन् ।
मत गणना गर्न बाँकी रहेका स्थानीय तहमा पनि ठूला दलहरूले नै अग्रता लिइरहेका छन् । जसमा कांग्रेस १२८, एमाले ८३, माओवादी केन्द्र ३३ स्थानमा अगाडि छन् ।
सबैभन्दा चासोको रुपमा हेरिएको काठमाडौं महानगर र भतरपुर महानगरमा भने क्रमश: स्वतन्त्र उम्मेदवार बालेन्द्र साह, गठबन्धनबाट उम्मेदवार बनेकी रेणु दाहालले अग्रता लिइरहेका छन् ।
स्थानीय तह सदस्य निर्वाचनअन्तर्गत वैशाख ३० गते मतदान भएको थियो ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
