काठमाडौं । नेपाल एयरलाइन्सले १३ चैतदेखि भारतको मुम्बईमा नियमित उडान पुनः सुरु गर्ने भएको छ ।
भारतले सबै प्रकारका अन्तर्राष्ट्रिय उडान खुला गरेसँगै कोभिड–१९ महामारीका कारण स्थगित रहेको भारतको मुम्बईबाट काठमाडौं गन्तव्यमा सिधा हवाई उडान पुनः सूचारु गर्ने लागेको हो ।
यो रुटमा कोरोना अगाडी नेवानिले उडान गरिरहेको थियो । कोरोनाका कारण अन्तर्राष्ट्रिय उडान बन्द भएपछि यो रुटको उडान समेत रद्द भएको थियो ।
कम्पनीले सातामा तीन दिन आइतबार, बुधबार र शुक्रबार उडान गर्नेछ । उक्त कम्पनीले हालै दिल्ली–काठमाडौं रुटमा दैनिक एक उडान सञ्चालन गरिरहेको छ ।
नेपाल एयरलाइन्सले भारतका तीन गन्तव्य नयाँदिल्ली, मुम्बई र बैङ्गलोरमा सिधा उडान गर्दै आए भए पनि कोभिड महामारीका कारण दुई वर्षदेखि मुम्बई र बैङ्गलोर गन्तव्यमा उडान गर्न पाएको छैन ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
