काठमाडौं । प्रधानमन्त्री शेरबहादुर देउवाले संविधान बमोजिम एक वर्षभित्रै सबै तह (स्थानीय, प्रदेश र केन्द्र) को निर्वाचन गर्नुपर्ने दायित्त्वमा सरकार सचेत रहेको बताएका छन् । शुक्रबार राष्ट्रको नाममा सम्बोधन गर्दै उनले निर्वाचनको संवैधानिक दायित्वबाट सरकार पछाडि नहट्ने बताए ।
‘एक वर्षभित्र निर्वाचन गर्नुपर्ने सरकारको दायित्त्व रहेको छ । निर्वाचनको पूर्वतयारीका लागि म अनुरोध गर्दछ,’ उनले भने । प्रमुख प्रतिपक्षी दलले सरकारले संसद् र स्थानीय तहको निर्वाचन नगर्ने षडयन्त्र गरिरहेको आरोप लगाइरहेको समयमा प्रधानमन्त्री देउवाले संविधान बमोजिमनै निर्वाचन हुने प्रतिवद्धता व्यक्त गरेका हुन् ।
त्यसैगरी प्रधानमन्त्री देउवाले किसालनलाई मल, बिउ र विद्यालय तहका विद्यार्थीलाई निःशुल्क पुस्तक वितणको व्यवस्था मिलाएको बताए । किसानले मल बिउको समस्याले गुज्रिरहेको र कृषि मन्त्रीले मल दिन नसक्ने जानकारी गराएलगत्तै प्रधानमन्त्रीले समयमै वितरणको व्यवस्था मिलाएको बताए ।
प्रधानमन्त्री देउवाले जनस्वास्थ्यका मापदण्ड पालना गरी सुरक्षिन हुन अनुरोध गरे । सरकार गठनको ६ महिना पुगेको अवसरमा शुक्रबार राष्ट्रका नाममा सम्बोधन गर्दै उनले सुरक्षा मापदण्डको इमानदार रूपमा पालना गर्न अनुरोध गरे । उनले भने, ‘जनस्वास्थ्यका मापदण्ड पालना गरी सुरक्षित बनेर कोरोना नियन्त्रणमा सरकारलाई सहयोग गर्न अनुरोध गर्दछु ।’
हेर्नुहाेस् सम्बाेधनकाे पूर्णपाठ
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।