काठमाडौं । राष्ट्रिय प्रजातन्त्र पार्टी (राप्रपा)का नेता कमल थापाले अध्यक्ष राजेन्द्र लिङ्देनले केन्द्रीय समितिमा एकपक्षीय ढंगले मनोयन गरेको आरोप लगाएका छन् ।
उनले पुर्वाग्रहीरुपमा मनोनयन गरिएको भन्दै आज सामाजिक सञ्जालमार्फत भत्र्सना गरेका छन् ।
‘राप्रपा केन्द्रीय समितिमा एकपक्षीय र पुर्वाग्रहीरुपमा गरिएको मनोनयनको भत्सर्ना गर्दछु’, उनले ‘३३ प्रतिशत अनिवार्य महिला मनोनित गर्नुपर्ने विधानको व्यवस्थाको ठाडो उल्लंघन भएको छ ।’
मनोनित गर्दा मधेसी, दलित, महिला र काठमाडौंलाई उपेक्षा गरिएको थापाको आरोप छ ।
‘जनाधार भएका वरिष्ठ नेताहरुलाई उपेक्षागरी चुनाव हारेकालाई मनोनित गरिनु दुर्भाग्यपूर्ण छ’, उनले फेसबुकमा लेखेका छन् ।
अध्यक्ष लिङ्देनले मंगलबार मात्र ३१ जनालाई केन्द्रीय सदस्यमा मनोनित गरेका थिए ।
उनले महाधिवेशनको निर्वाचन प्रक्रियामा भाग नलिएका नेताहरूलाई मनोनयन गरेका हुन् ।
जसमा पूर्वपञ्च नवराज सुवेदीसहित पूर्वमन्त्री दीपक बोहोरासम्म रहेका छन् । मनोनयन हुनेमा पूर्व ध्यक्ष रवीन्द्रनाथ शर्माकी पत्नी सरोजा शर्मासमेत छिन् ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
