काठमाडौं । क्रिस्टियानो रोनाल्डोले आफ्नो फुटबल करियरमा ८०० गोल पूरा गरेका छन्।
बिहीबार राति भएको प्रिमियर लिगअन्तर्गत आर्सनलविरुद्धको खेलमा म्यान्चेस्टरका लागि २ गोल गर्दै ८ सय गोल कटाएका हुन्।
आर्सनलविरुद्धको खेलमा म्यानचेस्टर युनाइटेडले ३–२ को कठिन जित हात पारेको हो। खेलको १३ औं मिनेटमा १–० ले पछि परेको अवस्थालाई उल्ट्याउँदै म्यानचेस्टर युनाइटेडले जित हात पारेको हो।
रोनाल्डोले खेलको ५० औं मिनेटमा गोल गर्दै आफ्नो फुटबल करियरमा आफ्नो ८०० गोल पूरा गरेका थिए। उनले खेलको ७० औं मिनेटमा पेनाल्टीमार्फत गोल गर्दै टोलीलाई जित दिलाए।
यससँगै प्रिमियर लिगमा म्यानचेस्टर युनाइटेडले १४ खेलबाट २१ अंक जोडेको छ। योसँगै रोनाल्डोको १ हजार ९७ खेलबाट ८०१ गोल पुगेको छ ।
उनले म्यान्चेस्टरका लागि १३०, स्पोर्टिङ लिस्बोनका लागि ५, रियल मड्रिडका लागि ४५० तथा युभेन्टसका लागि १०१ गोल गरेका छन्। त्यस्तै पोर्चुगलका लागि ११५ गोल गरेका छन्।
रोनाल्डो अन्तर्राष्ट्रिय पुरुष फुटबलका उच्च गोलकर्ता हुन्। त्यस्तै च्याम्पियन्स लिग र रियल मड्रिडका पनि अल टाइम उच्च गोलकर्ता हुन्।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
