काठमाडौँ । प्रधानमन्त्री शेरबहादुर देउवाले पुर्व राजा ज्ञानेन्द्र शाहलाई गणतन्त्रको विरुद्ध गतिबिधि नगर्न चेतावनी दिएका छन् ।
गणेशमान सिंहको १०७औं जन्मजयन्तीमा आज काठमाडौंमा आयोजित कार्यक्रममा बोल्दै प्रधानमन्त्री देउवाले पूर्वराजा ज्ञानेन्द्र शाहलाई गणतन्त्रविरुद्ध गतिविधि नगर्न चेतावनी दिदै शासन गर्ने भए चुनाव लडेर आउन चुनौती दिएका हुन् ।
प्रधानमन्त्री देउवाले भने, ‘प्रजातन्त्रको विकल्प छैन। प्रजातन्त्रको विकल्प प्रजातन्त्र नै हो, पार्टीहरूका विकल्प पार्टी नै हुन् । जनताभन्दा ठूलो शक्ति केही छैन। जनता नै यो देशको मालिक हो ।’
उनले पूर्वराजा शाहलाई प्रजातन्त्रबाहेक सबै कुरा सुम्पिने बताउँदा आफूलाई जेलमा हालेको स्मरण गर्दै शासन व्यवस्थाविरुद्ध नलाग्न चेतावनी दिए ।
पूर्वराजाले दसैँका बेला राजा र जनता मिलेरमात्र नेपालमा प्रजातन्त्र जोगिने बताएका थिए ।
एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई info.actpronepal@gmail.com मा पठाउनु होला। फेसबुक र ट्वीटरमार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।
